Tuwaŋuä kiqä naqequtä, waŋqequtä qäquaqu haqä yeqä äqänäŋuwi, qu aŋä kukŋuä iutaŋä tuwaŋuiyi. Iquautaŋä kuapänäŋi, neyaqä aŋä kukŋuä iuŋi, quwqä wiuŋi wiyä kukŋuitäŋi (Tok Pisinqetäŋi) asänä äqänänä. I hitaŋgi, qokä-apäkä, ää ymeqä, qu wiyä kukŋui a ätäupu, näqŋqä ae ämetquŋuwä iutaŋi, qu Näqŋqä meqäŋqä, neqä aŋä kukŋuä iu a täuqŋqä bukä, ga yäpä mäŋi qunamäuqä iŋgisa äwiŋqe, hiŋuä äqunäpu a täpŋqänänji. Kiŋganäŋi, tuwaŋuä aŋä kukŋuä iquesä, wiyä kukŋuä iquesä äqänäŋqe, kiqä wiuŋi aaŋä asänä äqänänä. Huiziuŋi, tuwaŋui, kiqä wiuŋi asä wäŋqä iiŋänäŋä äqänänä. Mä tuwaŋuä anyä haŋi, hŋquaquiyi.  Ä-ä iqutä, Ŋ-ŋ iqutänji.  Ga bukä iqueqä yäpakä iqiŋi, a ätäutnä, näqŋqä meqŋqä äqänä äwi.

Ktqä bukä ämuaŋgisa äwinŋqä iqu, Menya kukŋuä-mŋqä, Minyäma apmeŋuwä iquauqä ktqä kuapänä imäknä, ga kiqä ktqeuŋi, aŋä kukŋuä itä, wiyä kukŋu itä, ŋŋ inglisi tä, eeqä äqänä.