Aŋä kukŋui, neqä atqä-awäka änätapkuwi
Goti Iqueqä kukŋuä hiunji tqueŋqe
Ŋqä näueqä nyi kiiŋä änyinätŋqäuä, qu täwäsi itqätaŋgpqä-qe, nätmatqä tiiŋä iquenyqe, hui imäupi. Naqä Iqueqä hiŋuä iqiŋi, hiunji kiuänäŋä hŋqutä, quväukuä 1,000täŋi, hŋqu huitaŋä maetqe, qäquaqu asänäŋi. Iiŋä etaŋgi, Iqu, “Iiŋä timäuŋqiyä” ätätä guä ämäsäuetŋqä-pa, timäutŋqeŋqe, ämaqä hui, “Iqu hŋgaŋqä itqänä” ätätqäŋuwä-qe, Iqu hŋgaŋqä miqä itqäuä. Iqu ämaqä hui qui imäkŋqäŋqe mäwinyätaŋgi, Iqu ämaqä eeqänäŋi kŋuä äkunmäknäpu, suqä quvqe vquatämäupŋqä wiŋgaŋgi, maqänäŋi mimäkqe, ii itqäuä.
2 Pitä 3:8Tä Menya kukŋuä websaitqeyi. Neqä aŋi Minyäma hitaŋga, quae, Molobe, ää qua-naqe, Papuwa Niuŋginiyi (Papua New Guinea). Ne websaitqä tä imäkque, ämaqä Menya kukŋuä-mŋqe, qu, quwqä kukŋui a täuqŋqä näqŋqä ämepu, Goti Iqueqä kukŋuä iutä, kukŋuä huizi-pqetä qätä äwiyäpu, Goti Iqueqä kukŋui, apqä du tqaŋgpqe qätä äwiyäpu, neqä kukŋuiutaŋä witiyo hiŋuä qunatŋqueŋqä yätamäkqä neyätŋqeyi. Ne, neqä kukŋuitä, aeqäqä suqetä yäŋänäqŋqä tqäutŋqä diŋqä yätamäkqä vatŋque.
