Aŋä kukŋui, neqä atqä-awäka änätapkuwi
Goti Iqueqä kukŋuä hiunji tqueŋqe
Ämaqä Goti Iqueä maŋiunä qänaknä itä, qätä itŋqä iqu, ii Goti Ique ämuäŋnä etaŋgi, ga Goti Iqu ique änyä. Iqu neŋi, änenyäŋqä duŋqä näqŋqe, Iqu Iqueqä Dŋä Äŋguä Ique änätapqä duta eŋu.
1 Jonä 3:24Tä Menya kukŋuä websaitqeyi. Neqä aŋi Minyäma hitaŋga, quae, Molobe, ää qua-naqe, Papuwa Niuŋginiyi (Papua New Guinea). Ne websaitqä tä imäkque, ämaqä Menya kukŋuä-mŋqe, qu, quwqä kukŋui a täuqŋqä näqŋqä ämepu, Goti Iqueqä kukŋuä iutä, kukŋuä huizi-pqetä qätä äwiyäpu, Goti Iqueqä kukŋui, apqä du tqaŋgpqe qätä äwiyäpu, neqä kukŋuiutaŋä witiyo hiŋuä qunatŋqueŋqä yätamäkqä neyätŋqeyi. Ne, neqä kukŋuitä, aeqäqä suqetä yäŋänäqŋqä tqäutŋqä diŋqä yätamäkqä vatŋque.
